Սլաք Չորրորդ

Իմ երթի ճամբին,
Արցախից առաջ,
Լսում եմ դղիրդ՝ զէնքերի շառաչ,
Դա տղաներն են
Իմ արդարադատ,
Որ զգետնում են թշնամուն նւաստ.
Է'յ ջան, որդիներ,
Հերոսներ հպարտ,
Որ աշխարհի
խորթ խաչմերուկներում
Լսելի դարձրիք
Ձայնը մեր արեան,
Զի փորձում էին
Հեռւից կէս դարի
Խեղդամահ անել
Դիպլոմատակա՜ն
Տիղմի մէջ՝ ցեխի՝
Կանչն իմ ցեղի:
Եւ Լիսաբոնից
Մինչ Կալիֆորնիա,
Նիդերլանդներից մինչեւ Վիեննա,
Մադրիդից Բելգրադ,
Ժընեւից Փարիզ,
Մեր Դատի կիզող անապատի մէջ՝
Կապոյտ ովազիս:

Փա՜ռք ձեզ, տղաներ,
Որդիներ ազիզ...